«Музыкалық орындаушылық және педагогика» кафедрасы 2023 жылдың маусымына дейін «Музыкалық білім беру» кафедрасы деп аталған. Бұл кафедра Қазақ ұлттық өнер университетінде «Музыкалық орындаушылық және педагогика» білім беру бағдарламасы бойынша музыка мұғалімдерін дайындайтын жалғыз кафедра болып табылады. Ал 2022 жылға дейін «Музыкалық білім» білім беру бағдарламасы бойынша колледж, бакалавриат, магистратура және докторантура деңгейлерінде мамандар дайындады.
Бүгінде Қазақстанда мұғалім мәртебесі көтеріліп, түрлі бейіндегі педагогтың кәсіби стандарты әзірленуде. Сонымен қатар мұғалімнің жалақысы артып, музыка мұғалімі мамандығы сұранысқа ие болып жатыр. Бұның көрсеткіші «Музыкалық орындаушылық және педагогика» / «Музыкалық білім» мамандығының түлектері Қазақстанның әр түпкірінде түрлі үздіксіз музыкалық білім беру, мәдениет және өнер салаларында қызмет атқарып жүр.
Қазіргі таңда кафедра оқытушыларының құрамында Құрманғазы атындағы Алматы консерваториясының «Фортепиано», «Дирижирлеу», «Домбыра» мамандықтарының түлектері, көпшілігі ғылыми деңгей және атаққа ие. Олардың ішінде: Г.А.Хусаинова, А.А.Сметова, ,Л.К.Маймакова, А.Ж.Сагатова, К.С.Борамбаева. Сондай-ақ кафедрада КазҰӨУ бакалавриат және магистратура түлектері, музыкалық білім магистрі Н.Д.Щерботаева, педагогика ғылымдарының магистрі А.И. Мукаева, PhD Д.Е. Кожебаев, жұмыс істейді.
ҚазҰӨУ білім, мәдениет және ғылым орталығы болып табылады. «Музыкалық орындаушылық және педагогика»
кафедрасының профессорлық-оқытушылық құрамы білім беру, әдістемелік, тәрбиелік және ғылыми кәсіби қызметтің барлық түрлерін белсенді және жемісті жүзеге асырады.
«Музыкалық орындаушылық және педагогика»
кафедрасы Қазақстанның Солтүстік және Орталық аймақтарында музыкалық ағартушы, педагог-әдіскер, музыкалық-педагогикалық мамандықтың негізін қалаушы С.Б. Боранбаевка арналған Халықаралық ғылыми-практикалық конференцияны өткізудің бастамашысы және ұйымдастырушысы болып табылады. «Боранбаев оқулары» алғаш рет 2011 жылы ҚазҰӨУ ректоры, ҚР Еңбек Ері, ҚР Халық әртісі, профессор А.Қ. Мұсақожаеваның және ҚР Еңбек Ері, композитор, КСРО халық әртісі, Қазақ КСР Мемлекеттік сыйлығының лауреаты Е.Р.Рахмадиев көмегімен ашылған.
Болашақ музыка мұғалімдері музыкалық білім педагогикасы мен психологиясы, өнер, мәдениет, көркем шығармашылық, гуманитарлық қызмет және интеллектуалды дамуы бойынша білім мен дағдыларды сәтті игеруде. Біздің кафедра оқытушылары студенттерді дайындау барысында тұлғаға бағытталған оқытуды ұстанудың арқасында болашақ музыка мұғалімдері жыл сайын республикалық және халықаралық деңгейдегі кәсіби конкурстардың жеңімпаздары атанады.
Кафедра «Музыкалық орындаушылық және педагогика» / «Музыкалық білім» білім беру бағдарламасының нәтижелері бойынша, оның ішінде ғылыми негіздеменің жеткілікті болуы, профессор-оқытушылар құрамының ғылыми-зерттеу және ұйымдастыру-әдістемелік жұмыстарын жүргізуі, сондай-ақ түлектердің жұмыс берушілер тарапынан берілген оң пікірін алуы тәрізді көрсеткіштерге қол жеткізіп республикалық деңгейде айтарлықтай жетістіктерге ие болды.
«Ұлттық рейтинг» бойынша 5В010600 «Музыкалық білім» соңғы жылдардың ішінде бакалавриат бағдарламасы бойынша ҚазҰӨУ ҚР ЖОО арасында бірінші орынды иеленді.
ҰAҚСБ-IQAA-ның 2015-2021 жж. аралығында өткізген рейтингіне сәйкес, ҚазҰӨУ 2015 жылдан 2021 жылға дейін бакалавриаттың 5В010600 «Музыкалық білім» бағдарламасы бойынша 1-ші орынды, ал 2016 жылдан 2021 жылға дейін магистратураның 6М010600 «Музыкалық білім» бағдарламасы бойынша 1-ші орынды иеленіп отырды.
