Жас ғалымдар кеңесі (ЖҒК) ҚазҰӨУ Ғылыми кеңесінің шешімімен құрылған қоғамдық ұйым болып саналады.
Кеңестің қызметі жас ғалымдарды ғылыми-ізденіс, инновациялық жұмыстарға қатыстыру арқылы олардың шығармашылық, ғылыми белсенділігін арттыруға және қолдауға бағытталған.
Жас ғалымдар кеңесінің жұмысы бекітілген жоспар бойынша жүргізіледі.
ЖҒК қызметінің мақсаты – жас ғалымдардың кәсіби деңгейін арттыру, инновациялық қызметін дамыту, олардың ынтасын өзекті ғылыми мәселелерді шешуге жұмылдыру.
Осы мақсатқа жету үшін ЖҒК келесі жұмыс түрлерін атқарады:
— факультеттердегі жас ғалымдардың ғылыми-ізденіс жұмыстарын үйлестіреді, конференциялар өткізуді және жас ғалымдардың ғылыми тағылымдамадан өтуін жоспарлайды, оларға қажетті көмек көрсетеді;
— жас ғалымдар қатысатын ғылыми конференциялар, семинарлар, дөңелек стөлдер, көрмелер, форумдар мен басқа іс-шаралар ұйымдастырып өткізеді;
— пәнаралық кешенді ғылыми зерттеулер мен шығармашылық жобаларды ұйымдастыру мақсатында жас ғалымдардың өзара қарым-қатынастарын дамытуға атсалысады;
— жас ғалымдарды Қазақстан мен шетелдерде өткізілетін ғылыми зерттеулер мен басқа іс-шаралар туралы хабардар етеді;
— университеттің студенттер ғылыми қоғамымен бірлесіп іс-шаралар өткізеді, «Шабыт» мерзімді журналын шығаруға қатысады;
— жас ғалымдардың инновациялық қызметін ынталандырады және қолдайды, олардың гранттық ғылыми бағдарламаларға қатысуын ұйымдастырады және жүзеге асырады;
— жас ғалымдардың ғылыми-зерттеу жұмыс нәтижелерін жарыққа шығаруға қолдау көрсетеді.
