Қазақстан Республикасы Мәдениет және ақпарат министрлігі «Қазақ ұлттық өнер университеті» республикалық мемлекеттік мекемесі (бұдан әрі - ҚазҰӨУ) бос лауазымдарына орналасуға конкурс жариялайды:
1. «Үрлемелі және ұрмалы аспаптар» кафедрасының меңгерушісі;
2. «Кинорежиссура және телевидение» кафедрасының меңгерушісі;
3. «Вокалдық өнер» кафедрасының меңгерушісі.
Үміткерге қойылатын талаптар: Жоғары кәсіптік білім, доктордың ғылыми дәрежесінің немесе академиялық дәрежесінің және/немесе ғылыми атағының болуы және/ немесе Қазақстан Республикасының құрметті атақтары мен мемлекеттік наградаларына ие болған, ғылыми-педагогикалық жұмыс өтілі кемінде 5 жыл.
Кафедра меңгерушісі лауазымына 3 жыл мерзімге жоғары арнаулы (мамандық) немесе ғылыми-педагогикалық білімі (магистратура) бар адамды, егер ол мамандығы бойынша кемінде 3 жыл жұмыс өтілі бар, ұйымдастырушылық жұмыс тәжірибесі бар, ғылыми еңбектері мен шығармашылық жетістіктері бар тиісті білім саласында жоғары білікті маман болып табылса, тағайындауға жол беріледі.
Конкурсқа қатысуға ниет білдірген адамдар (еркін нысанда) ҚазҰӨУ ректорының атына өтініш береді.
Конкурсқа қатысушылар өтінішке төмендегі құжаттарды қоса беруі тиіс:
1)белгіленген нысандағы 3х4 см фотосуреті бар кадрларды есепке алу жөніндегі жеке парақ;
2) жеке куәліктің көшірмесі және салыстырып тексеру үшін түпнұсқасы;
3) еркін нысандағы өмірбаян;
4) еңбек кітапшасының куәландырылған көшірмесі;
5) жоғары, жоғары оқу орнынан кейінгі (бар болса) білімі туралы дипломдардың көшірмелері және салыстырып тексеру үшін түпнұсқалары;
6) академиялық және/немесе ғылыми дәрежесі туралы дипломдардың, ғылыми атағы туралы құжаттың көшірмелері (бар болса) және салыстырып тексеру үшін түпнұсқалары;
7) құрметті атақ, мемлекеттік және ведомстволық наградалар туралы құжаттардың көшірмелері (бар болса) және салыстырып тексеру үшін түпнұсқалары;
8) қайта даярлау туралы сертификаттардың көшірмелері (бар болса) және салыстырып тексеру үшін түпнұсқалары;
9) кеуде қуысын флюорографиялық зерттеудің суреті (бір жылдан аспайтын мерзімде);
10) электрондық үкімет порталынан алынған сотталмағандығы туралы анықтама;
11) электрондық үкімет порталынан алынған «Наркология» психикалық денсаулық орталығынан мәліметтер;
12) электрондық үкімет порталынан алынған «Психиатрия» психикалық денсаулық орталығынан мәліметтер;
13) электрондық үкімет порталынан алынған адамның сыбайлас жемқорлық қылмыс жасағаны туралы мәліметтер;
14) электрондық үкімет порталынан алынған адамның әкімшілік құқық бұзушылық жасағаны туралы мәліметтер.
Осы тармақта көзделген тізбеге сәйкес құжаттардың толық емес топтамасын ұсыну өтінішті қабылдаудан бас тарту үшін негіз болып табылады.
Конкурсқа қатысушы жұмыс тәжірибесі мен біліктілігін растайтын құжаттарды (бар болса) қамтитын портфолио түрінде ұсынуы тиіс:
растайтын құжаттары бар шығармашылық жетістіктер тізімі (грамоталар, дипломдар, сертификаттар, афишалар, концерт бағдарламалары, дискілер және т. б.);
неғұрлым маңызды жұмыстардың көшірмелерімен жұмыс орны бойынша расталған ғылыми жұмыстардың тізімі;
монографиялар, оқу құралдары және автордың жеке немесе бірлескен авторлығымен орындалған басқа да ғылыми және оқу-әдістемелік құралдар;
біліктілікті арттыру туралы сертификаттар;
алғыс хаттар, грамоталар.
Конкурсқа қатысушы өзінің біліміне, кәсіби деңгейіне қатысты қосымша ақпаратты (алдыңғы жұмыс орнының басшылығынан ұсынымдар, шет тілін білу деңгейі туралы сертификаттар және т. б.) ұсына алады.
Бос лауазымдар конкурсына өтініштер хабарландыру жарияланған күннен бастап күнтізбелік отыз күннен кешіктірілмей төмендегі мекенжай бойынша қабылданады: Қазақстан Республикасы, Астана қаласы, Абай көшесі, 47, 1917 кабинет; телефоны: 8 701 653 1989, эл.пошта Kense@kaznui.kz, Kadry@kaznui.kz
1. «Үрмелі және ұрмалы аспаптар» меңгерушісі бос лауазымға орналасуға өтініштерді қабылдау 2025 жылғы 24 қаңтарда аяқталады.
2. «Вокалдық өнер» кафедрасының меңгерушісі бос лауазымға орналасуға арналған конкурс 2025 жылдың сәуіріне ауыстырылды.
3. «Кино және теледидар режиссурасы» кафедрасының меңгерушісі бос лауазымына орналасуға конкурс 2025 жылдың тамызына ауыстырылды.*
