ТАЛАПКЕР 2025
Күләш Байсейітова атындағы Қазақ ұлттық өнер университетінің докторантура деңгейіне қош келдіңіздер!
Құрметті талапкерлер!
Докторантура – бұл академиялық және шығармашылық дамудың ең биік сатысы. Ол өнерді терең тануға ғана емес, сонымен қатар ғылыми білім меңгеруге, мәдениет саласындағы теория мен тәжірибені дамытуға ұмтылатын зерттеушілерге арналған деңгей.
Күләш Байсейітова атындағы Қазақ ұлттық өнер университетінде сіздерді қолайлы зерттеу ортасы, академиялық еркіндік, пәнаралық ықпалдастық және жетекші, беделді профессорлар мен ғылыми кеңесшілердің қолдауы күтеді. Дәл осы жерде авторлық тұжырымдамалар мен диссертациялық зерттеулер туындайды, ұлттық және әлемдік өнердің дамуына ықпал ете алатын жобалар іске асады.
Докторантура деңгейі – бұл ғылымдағы дара ұстанымыңызды қалыптастыру, өнертану, мәдениеттану, педагогикалық шеберлік пен эстетика мен шығармашылыққа қатысты өзге де салаларға елеулі үлес қосу мүмкіндігі.
Біз өзінің даму жолында биік шыңдарға жеткен ғылым көшбасшыларына, оқытушыларға, мәдениет саласының сарапшыларына айналған докторанттарымызбен мақтанамыз және сіздерді осы жолды бізбен бірге жалғастыруға шақырамыз. Бұл – дәстүрді құрметтейтін, жаңашылдықты қолдайтын әрі болашаққа бағдар беретін жоғары оқу орнымыз.
Терең зерттеулер, интеллектуалдық ізденістер мен биік өнер кеңістігіне қош келдіңіздер!
