Факультеттер

Кафедраның профессорлық-оқытушылық құрамы Құрманғазы атындағы Алматы мемлекеттік консерваториясының, Қазақ ұлттық музыка академиясының, Н.А. Римский-Корсаков атындағы Санкт-Петербург мемлекеттік консерваториясының, сондай-ақ Цюрих (Швейцария) және Детмольд (Германия) қалаларындағы жоғары музыкалық мектептердің түлектерінен құралған. Бұл олардың жоғары кәсіби деңгейін айғақтайды. Кафедраның әрбір мүшесі республикалық және халықаралық конкурстардың дипломанты немесе лауреаты болып табылады. Көптеген оқытушылар «Құрмет» орденімен, «Ерен еңбегі үшін» медалімен, «Қазақстан Республикасының еңбек сіңірген қайраткері» атағымен, «Мәдениет қайраткері» төсбелгісімен және мерейтойлық медальдармен марапатталған.

25 жыл ішінде кафедра 300-ден астам түлектерді дайындады. Олар еліміздің барлық өңірлеріндегі музыкалық оқу орындарында және оркестр ұжымдарында, сондай-ақ шетелдерде табысты еңбек етуде.

Классиктер, замандастар және қазақстандық композиторлардың шығармалары негізінде орындаушылық шеберлікті меңгеру, күрделі, стильдік және жанрлық тұрғыдан алуан түрлі туындыларды игеру, орындаушылық интерпретация өнерін меңгеру, кәсіби музыкантты тәрбиелеу үдерісімен тығыз байланыста артистік қабілетті ашу — кафедраның басты міндеті болып табылады.

Оқытушылардың кәсіби деңгейі республикалық және халықаралық конкурстардың лауреаттары саны арқылы айқын көрінеді. Олардың саны жүздеген! Әр жылдары шамамен 600-ге жуық лауреаттар мен дипломанттар Қазақстан, Ресей, АҚШ, Молдова, Италия, Польша, Үндістан, Сербия, Израиль және Біріккен Араб Әмірліктері қалаларындағы байқауларда қазылар мен тыңдармандарды баурап алды.

Кафедра педагогтері өз шәкірттерінің шығармашылық әлеуетін жан-жақты дамыта отырып, тек жеке орындаушылықта ғана емес, ансамбльдік орындауда да үлкен жетістіктерге жетуде. Үрлемелі және соқпалы аспаптар кафедрасының айрықша белгісі – студенттердің үрлемелі оркестрі (дирижерлері – доцент Мамырбаев Е.Н., Мусса М.Е.). Сондай-ақ кафедра құрамында «Сиқырлы флейта» блок-флейта ансамблі, «Flutes Légères» флейттер квартеті (доцент Н.М. Григорьева сыныбы), «Wind Voyage» ағаш үрлемелі аспаптар квинтеті, «Sax Voyage» саксофон квартеті (аға оқытушы Нельдыбаев А.Т. сыныбы), брасс-квинтет (доцент Жоров С.В. сыныбы), соқпалы аспаптар ансамблі (оқытушы Кабимолла Ж.К. сыныбы) университеттің концерттік іс-шараларына тұрақты түрде қатысады.

Ғылыми және оқу-әдістемелік жұмыстарда ұлттық музыканы дамытуға, қазіргі заманғы қазақстандық композиторлардың шығармашылығын насихаттауға ерекше көңіл бөлінеді. Кафедра оқытушылары үрлемелі аспаптарға арналған көптеген өңдеулер жасап, қазақстандық композиторлардың шығармаларын қамтитын жинақтар шығарды, сондай-ақ ұлттық ерекшеліктерді ескере отырып, заманауи білім беру мәселелеріне арналған бірқатар ғылыми мақалалар жазды.

Мысалы:
Е.К. Нургалиев – «Қазақстандық композиторлардың шығармаларындағы флейтаға арналған оркестрлік қиындықтар», «Романс» флейта мен фортепианоға арналған (автор);

Н.М. Сапарова – «Қазақстан композиторларының опера және балет үзінділері» гобойға арналған практикалық нұсқаулық, «Айдидарлым» – С. Абдинуров пен А. Абдинуров композиторларының гобой мен фортепианоға арналған пьесалар жинағы, 1–2 дәптер (құрастырушы және редактор), И. Калкул «Гобой мен фортепианоға арналған соната» (редактор), Т. Кажгалиев «Юмореска» (гобойға арналған өңдеу);

Н.М. Григорьева – «Блокфлейташының педагогикалық репертуары. БММ 1–3 сыныптар», «Флейташының педагогикалық репертуары. Пьесалар. БММ жоғары сыныптар», «Әшекей. Флейта мен фортепианоға арналған қазіргі қазақстандық композиторлардың шығармалар жинағы», «Қазақстан композиторларының шығармаларының транскрипциялары флейташының педагогикалық репертуарының құрамдас бөлігі ретінде»;

Д.М. Махпирова – «Мансұр Сагатовтың гобой мен оркестрге арналған концерті: мазмұн ерекшеліктері. Орындауға әдістемелік нұсқаулар»;

А.В. Малиновский – «Тубаға арналған күнделікті жаттығулар кешені»;

С.В. Жоров – «Мыс үрлемелі аспаптарға арналған ансамбльдер: трио, квартет, квинтет», «Оркестр партияларынан үзінділер»;

Б.Д. Далишева – оқу құралы «Үрлемелі аспаптарда ойнау әдістемесі», «Флейтаға арналған хрестоматия. Қазақстан композиторларының шығармалары»;

Е.Н. Мамырбаев – Орталық Азия мен Қазақстан композиторларының тромбон және фортепианоға арналған «Шығыстық әуендер» пьесалар жинағы.

Мемлекеттік тілде дәріс сабақтарын өткізуге ерекше мән беріледі. Орындаушылық өнер саласындағы кәсіби ұтқырлықтың қазіргі даму кезеңінде кафедра ұжымы Қазақстан және шет елдердің әріптестері мен өнер қайраткерлерімен екіжақты тиімді ынтымақтастық орнатуға бағытталған үдерістерге белсенді қатысып келеді. Соңғы жылдары флейта бойынша – Тригви Петерсон (АҚШ), Николай Мохов (Ресей), Ясуо Ямамото (Жапония), Хельга Кастер (АҚШ), Льюис Мейреллес (Португалия), Массимо Мерчелли (Италия), Александр Корнеев (Ресей), Джузеппе Нова (Италия); гобой бойынша – Николай Неретин (Ресей), Танатар Нұралы (Қазақстан), Тимур Ткишев (Қазақстан), А. Балашев (Мәскеу); кларнет бойынша – Мишель Летьек (Франция), Сюзанна Тирк (АҚШ), Евгений Варавко (Ресей), Олег Лапидус (Англия); фагот бойынша – Николас Кастер (АҚШ), Валерий Попов (Ресей); саксофон бойынша – Маргарита Шапошникова (Ресей); валторна бойынша – Дариуш Микульский (Польша); труба бойынша – Рем Гехт (Ресей), Юрий Клушкин (Қазақстан); тромбон бойынша – Анатолий Скобелев (Ресей), Анатолий Федянин (Қазақстан); соқпалы аспаптар бойынша – Станислав Скачинский (Польша); дирижер – Роберт Гуттер (АҚШ) сынды әйгілі музыканттармен кездесулер, дәрістер және шеберлік сабақтары өткізілді.

Кафедра оқытушылары Астана, Алматы, Қарағанды, Павлодар, Өскемен және Новосибирск қалаларының музыкалық оқу орындарында концерттер мен ашық сабақтар өткізеді.

Қазіргі уақытта кафедра құрамында доценттер – Сапарова Н.М., Григорьева Н.М., Жоров С.В., Мамырбаев Е.Н., Далишева Б.Д.; аға оқытушылар – Махпирова Д.А., Нельдыбаев А.Т., Шакенова А.Б., Малиновский А.В., Далишев С.А., Токпанов А.С., Цветцих М.Л., Орынғалиұлы Д., Балмағамбетов Ж.А., Жайлаубаев А.М., Тастанбеков А.С.; оқытушылар – Желтыргузова Ж.А., Сапарғалиева Ж.Е., Усик А.А., Ташкенбаев Ж.М., Абаев М.А., Даутбаева А.Ф., Дауткан Т.Н., Булатов Ф.Б., Мусса М.Е., Кабимолла Ж.К., Актасова Ж.К.