Вакансия

2026 жылы 12 тамыз

Қазақстан Республикасы Мәдениет және ақпарат министрлігінің «Күләш Байсейітова атындағы Қазақ ұлттық өнер университеті» республикалық мемлекеттік мекемесі (бұдан әрі – Университет) бос лауазымдарға орналасуға конкурс жариялайды:

Мектеп бойынша:

Лауазымдық міндеттері:

1. мемлекеттік жалпыға міндетті білім беру стандартына сәйкес оқытылатын пәннің ерекшелігін ескере отырып, білім алушыларды оқытуды және тәрбиелеуді жүзеге асырады;
2. білім алушы мен тәрбиеленуші тұлғасының жалпы мәдениетін қалыптастыруға және оны әлеуметтендіруге ықпал етеді, білім алушылардың жеке қабілеттерін анықтайды және дамытуға жәрдемдеседі;
3. білім алушыда педагогқа құрметпен қарауға тәрбиелейді, педагогтың аты мен әкесінің аты бойынша сыпайы қарым-қатынас немесе «учитель/мұғалім» тікелей қарым-қатынас арқылы қарым-қатынастың іскерлік стилі мен сөйлеу этикетін сақтауға үйретеді;
4. білім алушылардың жеке қажеттіліктерін ескере отырып, оқытудың жаңа тәсілдерін, тиімді нысандарын, әдістері мен құралдарын қолданады;
5. пәндер бойынша қысқа мерзімді және орта мерзімді (күнтізбелік-тақырыптық) жоспарлар, бөлім үшін жиынтық бағалау және тоқсан үшін жиынтық бағалау үшін тапсырмалар жасайды;
6. бөлім бойынша жиынтық бағалауды және тоқсан бойынша жиынтық бағалауды өткізу қорытындысы бойынша талдау жүргізеді;
7. журналдарды (қағаз немесе электрондық)толтырады;
8. оқу үрдісінде заманауи ақпараттық-коммуникациялық технологияларды қолдану;
9. оқу процесінде қарапайым бағдарламалық қамтамасыз етуді және ақпараттық-коммуникациялық технологиялардың қосымшаларын пайдаланады;
10. білім алушылар мен тәрбиеленушілердің мемлекеттік жалпыға міндетті білім беру стандартында көзделген деңгейден төмен емес тұлғалық, жүйелік-қызметтік, пәндік нәтижелерге қол жеткізуін қамтамасыз етеді;
11. оқу бағдарламаларын, оның ішінде ерекше білім берілуіне қажеттілігі бар білім алушыларға арналған бағдарламаларды әзірлеуге және орындауға қатысады, оқу жоспарына және оқу процесінің кестесіне сәйкес олардың толық көлемде іске асырылуын қамтамасыз етеді;
12. білім алушылардың, тәрбиеленушілердің жеке қабілеттерін, қызығушылықтарын және бейімділіктерін зерделейді;
13. инклюзивті білім беру үшін жағдай жасайды;
14. ерекше білім беру қажеттіліктері бар білім алушының жеке қажеттіліктерін ескере отырып, оқу бағдарламаларын бейімдейді;
15. арнайы білім беру ұйымдарында оқытылатын пәнініә ерекшелегін ескере отырып, дамудағы ауытқуларды бабарынша еңсеруге бағытталған білім алушыларды, тәрбиеленушілерді оқыту және тәрбиелеу бойынша жұмысты жүзеге асырады;
16. интерактивті оқу материалдары мен цифрлық білім беру ресурстарын пайдалана отырып, қашықтықтан оқыту режимінде сабақтар ұйымдастырады;
17. әдістемелік бірлестіктердің, мұғалімдер қауымдастығының, әдістемелік, педагогикалық кеңестердің, желілік қоғамдастықтардың отырыстарына қатысады;
18. ата-аналарға арналған педагогикалық консилиумдарға қатысады;
19. ата-аналарға кеңес береді;
20. кәсіби құзыреттілікті арттырады;
21. еңбек қауіпсіздігі және еңбекті қорғау, өртке қарсы қорғау қағидаларын сақтайды;
22. білім беру процесі кезеңінде білім алушылардың өмірі мен денсаулығын қорғауды қамтамасыз етеді;
23. ата-аналармен немесе олардың орнындағы адамдармен ынтымақтастықты жүзеге асырады;
24. тізбесін білім беру саласындағы уәкілетті орган бекіткен құжаттарды толтырады;
25. білім алушылар мен тәрбиеленушілер арасында сыбайлас жемқорлыққа қарсы мәдениетті, академиялық адалдық қағидаттарын бойына сіңіреді.

Біліктілікке қойылатын талаптар:

тиісті бейін бойынша жоғары және (немесе) жоғары оқу орнынан кейінгі бейіндік білім немесе техникалық және кәсіптік білім немесе жұмыс өтіліне талаптар қойылмай педагогикалық қайта даярлауды растайтын құжат немесе біліктіліктің орта деңгейіне жататын 1995 жылға дейінгі XI педагогикалық сыныбы бар орта мектепті бітіргені туралы құжат;

-және (немесе) біліктіліктің жоғары және орта деңгейі болған кезде педагогикалық жұмыс өтілі: педагог-модератор үшін кемінде 3 жыл – соңғы 3 жылда біліктілікті арттыру; педагогикалық және кәсіптік қызметтің расталған тәжірибесі

• педагог-сарапшы үшін-кемінде 3 жыл; соңғы 3 жылда біліктілігін арттыру; мақалалар, жарияланымдар, әдістемелік материалдар және / немесе авторлық әзірлемелер; расталған кәсіби жетістіктер;
• педагог-зерттеуші кемінде 4 жыл; соңғы 3 жылда біліктілігін арттыру; ғылыми және / немесе ғылыми-әдістемелік мақалалар мен жарияланымдар; расталған ғылыми-зерттеу қызметі; ғылыми жобаларға қатысу; білім алушылардың, оның ішінде халықаралық деңгейдегі жетістіктері;
• педагог-шеберлер-4 жыл, соңғы 3 жылда біліктілігін арттыру; ғылыми және/немесе ғылыми-әдістемелік Жарияланымдар; авторлық бағдарламалар мен әдістемелер; оқу-әдістемелік әзірлемелер; жоғары кәсіби жетістіктер; Республикалық және халықаралық іс-шаралардың жеңімпаздарын, жүлдегерлері мен лауреаттарын даярлау.

Еңбекке ақы төлеу «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысына сәйкес біліктілігін, жұмыс өтілін және орындалатын міндеттер көлемін ескере отырып жүзеге асырылады. Қосымша төлемдер мен үстемеақылар растайтын құжаттар болған кезде белгіленген тәртіппен жүргізіледі.

Колледж бойынша:

Лауазымдық міндеттері:

1. дәрістер, жеке, практикалық сабақтар, семинарлар және аудиториялық қызметтің басқа түрлерін өткізуге;
2. Колледжде және мектепте оқу процесін ұйымдастыру қызметі мен ПҚк мамандандырылған қызметінің бағыттарына сәйкес ғылыми-зерттеу жұмыстарын жүргізуге;
3. Колледжде және мектепте оқу үдурісін ұйымдастыру қызметінің және ПЦК мақсаттары мен міндеттеріне сәйкес жеке жұмыс жоспарын жоспарлауды және жүзеге асыруды жүзеге асыруға;
4. оқу үдерісін әдістемелік қамтамасыз ету бойынша жұмыстарды жүргізу, колледждегі шығармашылық және тәрбиелік іс-шараларға қатысуға;
5. Техникалық және кәсіптік білім беру саласындағы заманауи жетістіктерге негізделген оқытудың инновациялық технологияларын пайдалануға;
6. кәсіптік бағдар беру жұмыстарына қатысуға;
7. өз біліктілігін жүйелі түрде арттыру, тандаған қызмет саласында теориялық білім мен практикалық тәжірибе алуға;
8. колледждегі аккредиттеу және аккредиттеуден кейінгі іс-шараларға қатысуға;
9. белгіленген тәртіпте өз қызметінің барлық түрлері бойынша есеп беру құжаттамасын жасауға;
10. Университет басшылығының тапсырмасы бойынша құжаттарды дайындауға қатысуға;
11. өзінің міндетіндегі мәселелер бойынша ПЦК-дағы құжаттар мен номенклатуралық іс жүргізудің тиісінше жүргізілуін қадағалауға;
12. жұмысқа қатысу: а)педагогикалық кеңестің; б)колледж директоры жанындағы кеңестің; в) оқу-әдістемелік кеңес отырысының; г) кәсіби бағдар комиссиясының;

Біліктілікке қойылатын талаптар:

жоғары және (немесе) жоғары оқу орнынан кейінгі педагогикалық білім немесе тиісті бейіндер бойынша кәсіптік білім, жұмыс өтіліне талаптар қойылмайды;

және (немесе) біліктілігінің жоғары деңгейі болған кезде мамандығы бойынша жұмыс өтілі: педагог-модератор үшін – кемінде 2 жыл; педагог – сарапшы үшін – кемінде 3 жыл; педагог-зерттеуші үшін – кемінде 4 жыл; педагог-шебер үшін – 5 жыл.

Еңбекке ақы төлеу «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысына сәйкес біліктілігін, жұмыс өтілін және орындалатын міндеттер көлемін ескере отырып жүзеге асырылады. Қосымша төлемдер мен үстемеақылар растайтын құжаттар болған кезде белгіленген тәртіппен жүргізіледі.

Конкурсқа қатысуға ниет білдірген кандидат хабарландыруда көрсетілген құжаттарды қабылдау мерзімінде мынадай құжаттарды электрондық немесе қағаз түрінде жолдайды:

1. қоса берілетін құжаттардың тізбесін көрсете отырып, конкурсқа қатысу туралы өтініш (1 қосымша);
2. жеке басын куәландыратын құжат не цифрлық құжаттар сервисінен алынған электрондық құжат (сәйкестендіру үшін);
3. кадрларды есепке алу бойынша толтырылған жеке іс парағы (нақты тұрғылықты мекенжайы мен байланыс телефондары көрсетілген – бар болса);
4. Үлгілік біліктілік сипаттамаларымен бекітілген лауазымға қойылатын біліктілік талаптарына сәйкес білімі туралы құжаттардың көшірмелері;
5. еңбек қызметін растайтын құжаттың көшірмесі (бар болса);
6. кеуде қуысын флюорографиялық зерттеудің суретін қоса алғанда, «Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу( тізілімінде № 21579 болып тіркелген) бекітілген 075/у нысаны бойынша денсаулық жағдайы туралы анықтама;
7. психикалық, мінез-құлықтық бұзылушылықтары бар аурудың динамикалық бақылауда жоқтығы туралы анықтама;
8. наркологиялық аурудың динамикалық бақылауда жоқтығы туралы анықтама;
9. электрондық үкімет порталы арқылы алынған адамның әкімшілік құқық бұзушылық жасағаны туралы мәліметтер;
10. сертификаттаудан өту нәтижелері туралы сертификат немесе қолданыстағы біліктілік санатының болуы туралы куәлік (бар болса);
11. ағылшын тілі педагогтері лауазымына орналасуға кандидаттар үшін пән бойынша сертификаттау нәтижелері туралы сертификат немесе педагог-модератор немесе педагог-сарапшы немесе педагог-зерттеуші немесе педагог-шебер біліктілік санатының болуы туралы куәлікті (бар болса) немесе CELTA (Certificate in English Language Teaching to Adults. Cambridge) PASS A; DELTA (Diploma in English Language Teaching to Adults) Pass and above немесе IELTS (IELTS - айелтс) – 6,5 балл; немесе тойфл TOEFL (іnternet Based Test (іBT)) – 60-65 балл көрсеткіші бар сертификат;
12. педагогтің бос немесе уақытша бос лауазымына кандидаттың толтырылған бағалау парағы (2,3 қосымша);
13. жұмыс орнынан (педагог лауазымы бойынша), оқу орнынан ұсыным хат.

Кандидат жұмыс тәжірибесі мен біліктілігін растайтын құжаттарды (бар болса) қамтитын портфолио түрінде ұсына алады:

• растайтын құжаттары бар шығармашылық жетістіктер тізімі (грамоталар, дипломдар, сертификаттар, афишалар, концерт бағдарламалары, дискілер және т. б.);
• неғұрлым маңызды жұмыстардың көшірмелерімен жұмыс орны бойынша расталған ғылыми жұмыстардың тізімі;
• монографиялар, оқу құралдары және автордың жеке немесе бірлескен авторлығымен орындалған басқа да ғылыми және оқу-әдістемелік құралдар;
• біліктілікті арттыру туралы сертификаттар;
• алғыс хаттар, грамоталар.

Кандидат, болған жағдайда, біліміне, жұмыс тәжірибесіне, кәсіби деңгейіне (біліктілігін арттыру, ғылыми атақтар, ғылыми дәрежелер және дәрежелер беру, ғылыми немесе әдістемелік жарияланымдар, біліктілік санаттары туралы құжаттардың көшірмелері) қатысты қосымша ақпарат ұсынады.

Көрсетілген құжаттар тізбесіне сәйкес құжаттардың біреуінің болмауы кандидатқа құжаттарды қайтару үшін негіз болып табылады.

Бос лауазымдар конкурсына өтініштер хабарландыру жарияланған төмендегі мекенжай бойынша қабылданады: Қазақстан Республикасы, Астана қаласы, Тәуелсіздік даңғылы, 50, 210 кабинет; эл.пошта Kadry@kaznui.kz. Өтініштерді қабылдау 2026 жылдың 24 тамызда аяқталады.