Халықаралық конкурстар

«Ғылымның мәні неде атты эссе байқауы туралы ЕРЕЖЕ

(бакалавриат және магистратура студенттері арасында)

1. Жалпы ережелер

• Осы Ереже «Ғылымның мәні неде?» тақырыбындағы эссе байқауын (бұдан әрі – Байқау) ұйымдастыру мен өткізудің мақсаттарын, міндеттерін, тәртібін, қатысушыларға қойылатын талаптарды, байқау жұмыстарының мазмұны мен ресімделу талаптарын, бағалау критерийлерін және қорытынды шығару тәртібін айқындайды.
• Байқау Қазақстан Республикасы Ғылым қызметкерлері күніне орай ұйымдастырылатын Күләш Байсейітова атындағы Қазақ ұлттық өнер университетіндегі (бұдан әрі – ҚазҰӨУ) «Ғылым бүгін: ойлау, технологиялар, жауапкершілік» атты Ғылым күндері аясында өткізіледі.
• Байқауды ұйымдастырушы – ҚазҰӨУ Ғылым бөлімі.
• Байқау университетішілік сипатта өткізіледі және қатысу тегін негізде жүзеге асырылады.

2. Байқаудың мақсаты мен міндеттері

• Байқаудың мақсаты: студенттердің ғылыми білімге саналы көзқарасын қалыптастыру, ғылымның қазіргі қоғамдағы, мәдениеттегі және тұлғаның кәсіби қалыптасуындағы рөлін түсінуін дамыту.
• Байқаудың міндеттері:
  • аналитикалық және сыни ойлау дағдыларын дамыту;
  • студенттердің ғылыми-зерттеу қызметіне қызығушылығын ынталандыру;
  • өзіндік рефлексия жасау және ұстанымын дәлелді түрде жеткізе білу қабілетін айқындау;
  • ғылыми және эссе жазу мәдениетін қалыптастыру;
  • ғылымды құндылық әрі ойлау тәсілі ретінде пәнаралық тұрғыда түсінуді қолдау;
  • креативті әрі ерекше ойлайтын студенттерді анықтау.

3. Байқауға қатысушылар

• Байқауға ҚазҰӨУ-дің барлық білім беру бағдарламалары бойынша бакалавриаттың 1–4 курс және магистратураның 1–2 курс студенттері қатыса алады.
• Байқауға қатысу жеке түрде жүзеге асырылады.
• Әрбір қатысушыдан бір ғана байқау жұмысы қабылданады.

4. Байқаудың тақырыбы мен форматы

• Эссенің негізгі тақырыбы: «Ғылымның мәні неде?».
• Көрсетілген тақырып аясында қатысушы эссенің проблематикасын өз бетінше айқындайды. Ғылымның, креативті индустриялардың, өнердің рөліне философиялық, әлеуметтік, мәдениеттанулық, көркем-рефлексивтік немесе пәнаралық тұрғыда пайым жасауға рұқсат етіледі.
• Байқау эссені нақты уақыт режимінде жазу форматында өткізіледі.
• Байқаудың өткізілу күні мен орны ҚазҰӨУ Ғылым күндерінің бағдарламасына сәйкес айқындалады. 2026 жылы Байқау 3 сәуірде өткізіледі, қатысуға өтінімдер 2026 жылғы 01 сәуірге дейін қабылданады.

5. Байқау жұмысына қойылатын талаптар

• Эссе қазақ, ағылшын немесе орыс тілдерінің бірінде жазылуы мүмкін.
• Эссенің ұсынылатын көлемі – А4 форматындағы қағазда 2–4 бет қолжазба мәтін.

• Эссе келесі талаптарға сай болуы тиіс:
  • автордың жеке көзқарасын көрсету;
  • пайымдаудың логикалық жүйелілігі мен тұтастығы;
  • қорытындылардың дәлелділігі;
  • тақырыпты ашудағы өзіндік әрі шығармашылық тәсіл.
• Эссе жазу барысында қосымша материалдарды, электрондық құрылғыларды және сыртқы ақпарат көздерін пайдалануға жол берілмейді.
• Эссе мәтіні авторлық болуы тиіс. Егер мәтінде плагиат немесе өзге де орынсыз дәйексөз алу фактілері анықталған жағдайда, жұмыс Байқаудан шеттетіледі.

6. Бағалау критерийлері

• Байқау жұмыстары келесі критерийлер бойынша бағаланады:
  • тақырыптың ашылу тереңдігі мен мазмұндылығы – 5 балл;
  • ойлау дербестігі мен шығармашылық ерекшелігі – 5 балл;
  • баяндау логикасы мен құрылымы – 5 балл;
  • ұстанымның дәлелділігі – 5 балл;
  • жазба тіл мәдениеті мен стиль – 5 балл.
• Әрбір критерий балдық жүйе бойынша бағаланады. Қорытынды баға барлық критерийлер бойынша жиналған балдардың қосындысы ретінде анықталады. Ең жоғары балл – 25.

7. Байқау қазылар алқасы

• Байқау жұмыстарын бағалау үшін университеттің профессорлық-оқытушылық құрамы мен ғылыми қызметкерлері қатарынан қазылар алқасы құрылады.
• Қазылар алқасының құрамы Байқауды ұйымдастырушы тарапынан бекітіледі.
• Қазылар алқасының шешімі түпкілікті болып табылады және қайта қарауға жатпайды.

8. Қорытынды шығару және марапаттау

• Байқау қорытындысы бойынша жеңімпаз және жүлдегерлер анықталады.
• Жеңімпаздар мен жүлдегерлер дипломдармен және алғыс хаттармен марапатталады.
• Үздік байқау жұмыстары университеттің ақпараттық ресурстарында жариялауға ұсынылуы немесе ғылыми-ағартушылық іс-шаралар аясында пайдаланылуы мүмкін.

9. Қорытынды ережелер

• Байқауды ұйымдастырушы осы Ереженің мақсаттары мен қағидаттарын сақтай отырып, оған өзгерістер мен толықтырулар енгізу құқығын өзіне қалдырады.
• Байқауға қатысу фактісі қатысушының осы Ережеде көрсетілген шарттармен келісетінін білдіреді.

Қатысуға өтінім (01.04.2026 дейін):