Республиканские конкурсы

КЕНЕН ӘЗІРБАЕВ АТЫНДАҒЫ «МЕН СҮЙЕМІН ХАЛҚЫМДЫ»
І РЕСПУБЛИКАЛЫҚ ДӘСТҮРЛІ ӘНШІЛЕР КОНКУРСЫНЫҢ
ЕРЕЖЕСІ

ЖАЛПЫ ЕРЕЖЕ

2024 жылғы 13-14 мамыр күндері Астана қаласында, ҚР Мәдениет және ақпарат министрлігінің қолдауымен және Қазақ Ұлттық өнер Университеті мен «Kenen Ata» қорының ұйымдастыруымен қазақтың әйгілі халық ақыны, жырау, әнші-композитор Кенен Әзірбаев атындағы 2 жылда 1 рет өткізілетін «Мен сүйемін халқымды» І республикалық дәстүрлі әншілер конкурсы өтеді.

Аталған конкурс Кенен Әзірбаевтың 140 жылдық мерейтойына орай өтеді.

Конкурстың ұйымдастырушылары - Қазақстан Республикасының Мәдениет және ақпарат министрлігінің Мәдениет комитеті және «Қазақ ұлттық өнер университеті» республикалық мемлекеттік мекемесі, «Кенен Әзірбаев» атындағы қор.

КОНКУРСТЫҢ МАҚСАТЫ

• Өнер саласында шығармашылық жетістіктерін анықтау, талантты және дарынды шығармашылық ұжымдар мен орындаушыларды қолдау;
• Ұлттық және әлемдік мәдениет пен өнердің ең жақсы дәстүрлері мен жетістіктерін жаңғырту, дамыту, насихаттау, оның қатысушыларының кәсіби шеберлігін арттыру;
• Халықтың мәдени демалысы мен эстетикалық тәрбиесін, рухани және мәдени құндылықтармен алмасуды ұйымдастыру;
• Мәдениет саласындағы мемлекеттік саясатты іске асыру;
• Қазақстан Республикасы халқының мәдениетін қайта өркендету, сақтау, дамыту және тарату;
• Азаматтарды эстетикалық тәрбиелеуге жағдайлар жасау;
• Мәдени мұраны насихаттау және олардың дамуындағы сабақтастықты қамтамасыз ету;
• Жастардың ұлтжандылық тұрғыда тәрбиеленуіне, ұлттық және әлемдік мәдениет құндылықтарына тартылуына ықпал ету.

КОНКУРСТЫҢ ТАЛАПТАРЫ МЕН ШАРТТАРЫ

• Конкурсқа жоғары музыкалық оқу орындары мен музыкалық колледждердің студенттері қатыса алады;
• I кезеңге алдын ала іріктеуден өткен 25 үміткерге жолдама беріледі;
• II кезеңге 12 үміткерге ғана жолдама беріледі;

4. К.Әзірбаев атындағы «Мен сүйемін халқымды» республикалық дәстүрлі әншілер конкурсының «Бас жүлдегерлері» мен «І орын» иегерлері қатыстырылмайды;
5. К.Әзірбаевтың шығармашылығын насихаттау мақсатында өткізілетін конкурс болғандықтан I кезеңдегі орындалатын әндері екі тізімге бөлініп ұсынылады.

І кезең

• Үміткер өз қалауы бойынша халық әнін немесе халық композиторларының бір әнін орындайды.
• Бірінші тізімде көрсетілген К.Әзірбаевтың бір әнін орындайды:

Бірінші тізім:

• Ри қойым
• Жайсаң
• Ел қуанышы
• Анама
• Қызыл қайнар
• Қалады-ау
• Мөртай сұлу
• Аттан
• Нәсихаға
• Жайнады тыңым, жайнады
• Өтеді-ау өмір
• Балаларға
• Елімнің ерке жастары
• Жеңіс жылғы шаттық ән
• Нұрлы жаз
• Қордай
• Зұлқияның әні
• Жамбыл жыр
• Елу жылда – ел жаңа
• Адамның төрт мезгілі
• Өтеді-ау, жалған
• А, қыздар!
• Домбыра
• Туған жер

 Екінші тізім:

• Алатау алабында
• Еңбекші елім
• Жаса Қазақстан
• Қайран ел қайда?
• Балдай бол
• Мөртай сұлу
• Оразжан
• Жас екпін
• Күләшқа
• Қайран жастық
• Ойжайлау
• Шырқа, даусым!
• Бастау
• Әнім қалсын (Т.Кененқызының нұсқасында)
• Гигигай
• Мен сүйемін халқымды
• Келінжан
• Жетпіс бес
• Сексен

ІІ кезең
1) Өз қалауы бойынша халық әнін немесе халық композиторларының бір әнін орындайды.
2) Үшінші тізімде көрсетілген К.Әзірбаевтың бір әнін орындайды:

Үшінші тізім

• Көкшолақ
• Тік шырқау
• Қазақстан аймағы
• Базар-Назар
• Бозторғай
• Көпшілік, тыңда әнімді
• Үрия-ай, дүние-ай
• Жаңа заң
• Бұлбұлға
• Бал құйылды даладан
• Біздің отан жеңеді
• Сынаптай сырғақ дүние-ай

ҚАЖЕТТІ ҚҰЖАТТАР

- Жіберуші жақтың ұсыныс хаты (көшірмесі);
- Үміткердің жеке куәлігі (көшірмесі), байланыс телефоны;
- Үміткердің арнайы банктен анықтамасымен 20 сандық есепшоттық нөмірі;
- Шығармашылық өмірбаяны, ұстазы көрсетілуі керек (Word);
- JPEG форматтағы кәсіби сапалы көркем фотосуреті (электронды түрде);
- Конкурста орындалатын әндерінің тізімі;
- І кезеңде орындалатын 3 әннің mp4 үлгідегі бейнебаспасы (іріктеу үшін).

БАҒАЛАУ ӨЛШЕМДЕРІ

- Орындаушылық шеберлігіне;
- Әннің әуені мен табиғатын бұзбай орындауына;
- Ән мәтінін дұрыс орындауына;
- Дауыс мәнері мен кеңдігіне (диапазонына);
- Сахна мәдениеті мен киім үлгісіне көңіл бөлінеді.

КОНКУРСТЫҢ ҚАЗЫЛАР АЛҚАСЫНЫҢ ҚҰРАМЫ:

• Қазылар алқасының құрамына музыкалық білімі мен ұстаздық тәжірибесі бар мәдениет және өнер қайраткерлері кіреді. Қазылар алқасының 5 мүшесі болады. Оның құрамына Қазақ Ұлттық өнер Университетінің ұстаздары кіреді, К.Әзірбаевтың ұрпақтары атынан 1 адам және сырттан мамандар шақырылуы тиіс.
• Қазылар алқасының шешімі түпкілікті және қайта қарауға жатпайды. Дауыстар тең бөлінген жағдайда төрағаның дауысы шешуші болып табылады. Қазылар алқасы белгіленген жүлделі орындарды бермеуге немесе үміткерлер арасында бөлуге құқылы.
• Демеушілер мен өзге де ұйымдар конкурс қатысушыларына арнайы жүлделерді ұсына алады.
• Осы Ережемен реттелмеген барлық мәселелер Қазақстан Республикасының қолданыстағы заңнамасына сәйкес шешіледі.
• Қазылар алқасының саны, төрағаны қосқанда тақ сан болуы тиіс.
• Қазылар алқасының мүшелері сол кезеңде өзінің білім алушысы болып саналатын қатысушылардың кандидатурасын талқылауға және дауыс беруге қатыспайды.

ҰЙЫМДАСТЫРУ КОМИТЕТІ

• Конкурстың ұйымдастыру комитетінің құрамы Қазақ ұлттық өнер университеті РММ ректорының бұйрығымен бекітіледі.
• Ұйымдастыру комитеті конкурсты дайындау және өткізу бойынша басшылықты жүзеге асырады.
• Ұйымдастыру комитеті конкурсты дайындау және өткізу мәселелері жөнінде мүдделі органдармен өзара іс-қимылды жүзеге асырады.
• Ұйымдастыру комитеті іс-шараның ақпараттық-жарнамалық қолдау түрлерін айқындайды.
• Ұйымдастыру комитеті конкурсты дайындау және өткізу барысында туындайтын өзге де ұйымдастыру мәселелерін шешеді.

КОНКУРС ЖҮЛДЕЛЕРІ:

• Бас жүлде 700 000 теңге және лауреат атағы (біреу);
• І орын 500 000 теңге және лауреат атағы (біреу);
• ІІ орын 300 000 теңге және лауреат атағы (екеу);
• ІІІ орын 200 000 теңге және лауреат атағы (екеу);
• Дипломанттар 100 000 теңге (алты)
• Алғыс хаттар 50 000 теңге (он үш)

КОНКУРСТЫ ҚАРЖЫЛАНДЫРУ:

1. Конкурсқа қатысушылардың жол шығыны жіберуші жақ немесе өздері көтереді;
2. Ұйымдастыру комитеті үміткерлерді конкурсқа қатысу уақытында тамақпен және тұрғын жаймен қамтамасыз етеді;
3. Әуе, темір жолы және де көлік түрлерінің жүру кестесіне қарамастан, конкурстың белгіленген өту мерзімнен ерте келген қатысушылардың жүріп-тұру шығындарын ұйымдастыру комитеті көтермейді;
4.Үміткерлермен бірге келген жетекшілері барлық шығындарды өз тарапынан өтейді.

ҚОСЫМША АҚПАРАТ:

1. Өтінімдер 2024 жылғы 30 сәуіріне дейін қабылданады;
2. Қосымша ақпараттар: https://kaznui.edu.kz/ сайтына және Instagram (kaznuikz) әлеуметтік желілеріне салынады;
3. Жеребе тарту және дайындық уақыты: 2024 жылғы 13 мамыр, сағат 10.00-18.00 аралығы;
4. Конкурстың өту уақыты: 2024 жылғы 14 мамыр, сағат 09.00-18.00 аралығы;
5. Үміткер назарына! Кенен Әзірбаевтың әндерін, ноталары мен өлең мәтіндерін azirbayev.kz сайтынан тегін жүктеп алуға болады.

БАЙЛАНЫС АҚПАРАТЫ:

ҚОСЫМША

Қазақ Ұлттық өнер Университетінің
Ректоры А.Желтыргузов

2024 жылғы 13-14 мамыр күндері Астана қаласында, ҚР Мәдениет және ақпарат министрлігінің қолдауымен және Қазақ Ұлттық өнер Университеті мен «Kenen Ata» қорының ұйымдастыруымен өтетін қазақтың әйгілі халық ақыны, жырау,  әнші-композитор Кенен Әзірбаев атындағы «Мен сүйемін халқымды» І республикалық дәстүрлі әншілер конкурсына

_____________________________________________________________________________
(ұсыныс жасаған мекеменің толық атауы)
_____________________________________________________________________________
(үміткердің толық аты-жөні)

қатысатындығын хабарлаймын.

Конкурсқа ұсынылатын құжаттары қоса тіркеледі.

Ректор                   _____________      ____________________________________
(қолы)                  (аты-жөні)

Кенен Әзірбаев атындағы «Мен сүйемін халқымды»
І республикалық дәстүрлі әншілер конкурсын
ұйымдастыру тобы

• Республикалық конкурс 2024 жылғы 13-14 мамырда Астана қаласында өтеді.
• І кезеңде орындалатын 3 әннің бейнетаспадағы нұсқасын үміткер сахналық киімде орындап, алдын ала ұйымдастыру алқасына жолдайды. Іріктеуден өткендерге республикалық конкурсқа қатысуға хабарлама жіберіледі.