Бүгін Қазақ ұлттық өнер университетінің студенттері мен ұстаздары, келген қонақтар өнер биігінің елеулі тұлғасы, талғам-талабы асқақ, тәлімі мол кино және театр режисері, драматург Талғат Теменовтың шығармашылық әлеміне саяхаттап қайтты.
Казақстанньң халық әртісі Талғат Досымғалиұлының 70 жас мерейтойына орайластырылған кеште ұлттық мәдениет, руханият, кино өнері тақырыбы қайреткер шығармашылығымен ұштастырылып, көрермен назарына ұсынылды.
Кеш барысында режисердің еңбек жолы, кино мен театрдағы тұңғыш туындылары, жалпы, шығармашылығындағы айтылған ойлары, көрермен көңіліне тоқылған тәтті сырлары туралы айтылды. “Талғат Теменов шығармашылығындағы маңызды идея - ол адамзатқа деген сүйіспенділік. Үлкен өнердің бастауы да сол” деп ой түйді сахнада сөз алған қонақтар.
Қазақ ұлттық өнер университетінің ректоры м.а. Нұртаза Раушан Сабыржанқызы Талғат Досымғалиұлын мерейтойымен құттықтап, қайраткердің ұлағат-ұстанымы, пайым-парасаты өскелең ұрпаққа үлгі болатынын, бір өнер ордасында қызмет етіп келе жатқанына қуанышты екенін жеткізді.
Салтанатты кешке Парламент палаталарының депутаттары Дархан Қыдырәлі мен Қазбек Иса, Талғат Теменовтың ұстазы, унивеситет ұстаздары мен студенттер, шақырылған қонақтар қатысты. Кеште Қазақ ұлттық өнер университетінің студенттік симфониялық оркестрі, домбыра класының студенттері мен режисердің шәкірттері өнер көрсетті. «Адамдар арасындағы бөлтірік», «Махаббат бекеті» фильмдерінен үзінді көрсетілді.
.jpeg)
