2024 жылдың 14 желтоқсанында Алматыда XII Халықаралық студенттік және дебюттік фильмдер фестивалі «BASTAU» өз мәресіне жетті. Бұл күннің шынайы қаһармандары - КазҰӨУ-дің кино саласының арулары болды!
Меруерт Акитова – «Кино режиссурасы» мамандығы бойынша КазҰӨУ магистранты – «BASTAU SHORTS» деректі фильмдер конкурстық секциясында «MENIN TERMINATORSHAM» фильмімен бас жүлдені иеленді. Фильм өмірге құштарлығы мен жігерінің арқасында жүрек трансплантациясын күтіп, бірнеше жыл бойы арнайы сөмкемен жүрген кейіпкердің тағдырына басқа қырынан қарауға мәжбүрлейді. Ол жүрек аппаратын қолдана отырып, толыққанды өмір сүріп, отбасына қамқорлық жасайды. Кейіпкердің бірнеше маусымға созылған өмірлік тарихы оның сенімі мен жаңа болашаққа үмітін көрсетеді.
Меруерт КазҰӨУ кино факультетінің бакалавриатын белгілі қазақстандық деректі кинорежиссер Ася Сулеева шеберханасында аяқтаған. Бүгінде ол магистратурада инклюзия тақырыбын зерттеп, магистрлік жұмысын (ғылыми жетекшісі - Смаилова Инна Тлековна) табысты жалғастырып келеді. Фильмнің премьерасы осы жылдың тамыз айында «QYZQARAS» кинофестивалінде өткен болатын, ал енді – жаңа халықаралық марапат!
Толықметражды дебют секциясында жеңімпаз болып «ПРЯНИКИ ДЛЯ ЕЕ ОТЦА, МОЕГО ПРАДЕДА, ЕЕ ДЕДА» атты деректі фильм танылды. Бұл – продюсер Еркежан Мақсұт жетекшілік ететін Uvent студиясының жобасы. Еркежан – Қазақстандағы беделді продюсерлердің бірі, ол да Ася Сулеева шеберханасының түлегі. Фильмнің редакторы – өнертану кафедрасының профессоры, киновед Смаилова Инна Тлековна. Фильмнің халықаралық премьерасы Пусан Халықаралық кинофестивалінде (Оңтүстік Корея) өтті, ал ұлттық премьерасы осы «Бастау» кинофестивалінде болды.
Ұйымдастырушылардың айтуынша, «BASTAU» фестивалі жас режиссерлер мен таланттарға алғашқы қадамдарын жасап, кино әлеміне енуге мүмкіндік береді. Сонымен қатар, КазҰӨУ өз ұлттық кино мектебінің бірегей концепциясын қалыптастыруға ықпал етуде.
.jpeg)
.jpeg)
.jpeg)
