Астанада I республикалық джаздық байқау-фестиваль басталды. Жас музыканттар мен педагогтар үшін өте маңызды болып табылатын іс-шара Нұрсұлтан Назарбаев қорының қамқорлығы мен қаржылық демеуімен ұйымдастырылған.
ҚазҰӨУ-нің Е. Рахмадиев атындағы Үлкен залында «JazzTime Astana-2025» джаз музыкасы байқауының ашылуы өтті. Конкурс вокалдық және аспаптық джаз музыкасы саласында жас таланттарды анықтап, қолдау көрсетуге бағытталған және елімізде джаз мәдениетін дамытуға ықпал етеді.
Конкурстың негізгі мақсаттары: қатысушылардың кәсібилігі мен оқу нәтижелерін бағалау, джазды насихаттау, жастарды вокалдық және аспаптық джаз музыкасының кәсіби қызметіне тарту, сондай-ақ пайдалы нетворкинг мүмкіндіктерін қалыптастыру.
Конкурсқа республикалық және халықаралық конкурстар мен фестивальдардың лауреаттары деңгейіндегі шығармашылық жетістіктері бар жас музыканттар қатысады. Қатысушылар келесі жас топтарында бақ сынайды:
10-12 жас, 13-15 жас, 16-19 жас.
Конкурс екі номинациядан тұрады: эстрадалық музыкалық аспаптар, эстрадалық вокал. Қатысушыларға джаз стилінде екі шығарма орындау қажет, оның ішінде джаз классикасы, заманауи джаз композиторларының туындылары, өз шығармалары мен авторлық аранжировкалар.
Конкурс бір турдан тұрады және 4 сәуірде марапаттау рәсімі мен гала-концертпен аяқталады. Жеңімпаздар ақшалай сыйлықтармен марапатталады. Конкурстың қазылар алқасы мүшелері - ҚазҰӨУ профессорлары мен оқытушылары және Қазақстан Республикасы мәдениет қайраткерлері.
Егер сіз жас дарынды орындаушыларды көріп, джаз атмосферасына еніп, жас музыканттардың шығармашылығына қолдау көрсетуге қызықсаңыз, 4 сәуірде 15:00-де өтетін «JazzTime Astana-2025» фестивалінің гала-концертіне шақырамыз.
Концерт Е. Рахмадиев атындағы Үлкен залда өтеді, барлық келем деушілерге есік ашық!
Конкурс ұйымдастырушылары – ҚазҰӨУ-нің ПЦК «Эстрада өнері» @estradaoneri. Барлық қатысушыларға сәттілік тілейміз!
