Қазақстан Республикасы Президенті Қасым-Жомарт Тоқаевтың 2024 жылы мәдениет саласындағы мемлекеттік стипендияны тағайындау туралы шешіміне сәйкес, Қазақстанның мәдениеті мен өнеріне үлкен үлес қосқан бірқатар азаматтар марапатталды. Бұл ақпарат Қазақстан Республикасының Ақорда сайтында жарияланды.
Мемлекеттік мәдениет стипендиясын алғандар арасында Қазақ ұлттық өнер университетінің оқытушылары да бар.
Мырзатай Жолдасбеков – мемлекеттік және қоғамдық қайраткер, «Отан», I және III дәрежелі «Барыс», «Парасат», «Құрмет» ордендерінің иегері.
Қайрат Байбосынов – әнші, «Парасат» және III дәрежелі «Достық» ордендерінің иегері, Қазақстанның халық әртісі, Мемлекеттік сыйлықтың лауреаты.
Жанғали Жүзбай – күйші, «Құрмет» орденінің иегері, Қазақстанның еңбек сіңірген қайраткері.
Меруерт Өтекешева – актриса, «Парасат» және «Құрмет» ордендерінің иегері.
Университет ұжымы атынан әдебиет және өнер саласының майталмандарын шын жүректен құттықтаймыз! Сіздің ұлттық руханиятқа қосқан үлестеріңіз одан әрі арта берсін!
