Қазақстан Республикасы Ғылым және жоғары білім министрлігінің Ғылым және жоғары білім саласында сапаны қамтамасыз ету комитетінің шешімімен белгілі өнертанушы, өнертану кандидаты, Қазақ ұлттық өнер университетінің профессоры, ҚР Суретшілер одағының мүшесі Юсупова Ардақ Кенесқызына және белгілі кинотанушы, өнертану кандидаты, Қазақ ұлттық өнер университетінің профессоры, Қазақстанның еңбек сіңірген қайраткері Мукушева Назира Рахманқызына 60400 – Өнер ғылыми бағыты бойынша қауымдастырылған профессор (доцент) ғылыми атағы берілді.
Құрметті Назира Рахманқызы! Сізді «Өнер» ғылыми бағыты бойынша қауымдастырылған профессор (доцент) ғылыми атағын алуыңызбен Қазақ ұлттық өнер университеті ұжымының атынан шын жүректен құттықтаймын! Сіздің «Қазақ киносы: кеше және бүгін» және «Тұлпардың ізі: сценарийден фильмге дейін», «Кинорежиссер Ораз Әбішев» сынды еңбектеріңіз, кино тарихы мен сыны бойынша жазған мақалаларыңыз, кинотану ғылымындағы көпжылдық зерттеулеріңіз отандық кино өнері мен өнертану ғылымының дамуына зор үлес қосты.
Құрметті Ардақ Кеңесқызы! Сізді «Өнер» ғылыми бағыты бойынша қауымдастырылған профессор (доцент) ғылыми атағын алуыңызбен Қазақ ұлттық өнер университеті ұжымының атынан шын жүректен құттықтаймын! Сіздің «Живопись Казахстана 1980-1990-х гг.: пути и поиски», «Калейдоскоп. Очерки и эссе об искусстве и художниках Казахстана» еңбектеріңіз бен «Грани искусства: будущее традиций Казахстана», «Kazajstan. Pais de tradiciones y apertura» атты ұжымдық монографияларыңыз қазақ бейнелеу өнері тарихының зерделенуі мен өнертану ғылымының дамуына қосқан сүбелі үлесіңіз деп білеміз.
Қадірлі әріптестер, сіздерді университет студенттері мен ұстаздары атынан шын жүректен құттықтаймын! Сіздерге мықты денсаулық, шығармашылық табыс пен ұстаздық жолыңыздағы игі істеріңізге сәттілік тілеймін!
Ректордың м.а., профессор Р. Нұртаза
