«Кадет» (2024, режиссер А. Ержанов) фильмі 2025 жылы өтетін әлемдегі ең беделді кинофестивальдердің бірі — Берлин кинофестивалінің «Форум» бағдарламасына іріктелді.
Толығырақ: https://www.berlinale.de/de/2025/programm/202512341.html
Бұл оқиға – қазақ киносының және Еркінбек Птыралиев дәріс беретін ҚазҰӨУ кино мектебінің дамуына қатысты маңызды кезеңдердің бірі. «Кадет» фильмінің әлемдік премьерасы 2024 жылы Токиода өтті, ал Берлинде оның еуропалық премьерасы өтеді. Берлинари өзінің бағдарламасын әлі де толықтыру үстінде, қатысушы фильмдердің ресми тізімі 21 қаңтарда жарияланбақ, ал фестивальдің өзі 13-23 ақпан аралығында өтеді. Дегенмен, авторлық кино мен хоррор жанрының тоғысында түсірілген «Кадет» қазіргі уақытта Қазақстан атынан ұсынылған және жалпы бағдарламаға енген алғашқы фильм ретінде сайтта тіркелді.
Еркінбек Птыралиев – қазіргі қазақ киносының жарқын өкілдерінің бірі.
Ол визуалды әңгімелеу шебері ретінде танылған, оның операторлық шеберлігі ұлттық мәдениетке терең байланысты және жарық пен көлеңкенің үйлесімділігі арқылы қазіргі заманғы визуалды үрдістерді шебер көрсетеді. Оның «Қожайындар», «Сары мысық», «Дала қасқыры» және басқа да туындылары халықаралық фестивальдерде жоғары бағаланған. Бұл жетістіктер Еркінбек үшін үлкен кәсіби белес болып табылады. Ол Оскар киноакадемиясының және Азия киноакадемиясының беделді мүшесі, бұл оның әлемдік киноның дамуына қосқан үлесін айқындай түседі.
Бұл жетістік ҚазҰӨУ кино мектебінің дәстүрлі құндылықтарын да айқындайды. Еркінбек оқытушы ретінде осы дәстүрді жалғастырып, болашақ кино мамандарын тәрбиелеуде. Оның ұстазы – қазақтың аңызға айналған операторы Болат Қалиевич Сүлейев – болашақ шеберлерді даярлаудың берік негізін қалап кеткен. Сондықтан, бұл кәсіби мойындау, яғни әлемдік киноның бағыт-бағдарын анықтайтын маңызды алаңға қатысу, Еркінбектің жоғары кәсібилігін ғана емес, ҚазҰӨУ кино мектебінің маңыздылығын көрсетеді.
Еркінбек Птыралиевті осы маңызды жетістігімен, сондай-ақ «Операторлық шеберлік, дыбыс режиссурасы және арт-менеджмент» кафедрасы мен «Режиссура, арт-менеджмент және операторлық өнер» факультетін шын жүректен құттықтаймыз!
