I Халықаралық ғылыми-тәжірибелік конференция «Музыкалық әлем: композитор және дәуір»
2025 жылдың 14 қараша күні К.Байсейітова атындағы Қазақ ұлттық өнер университетінде Балнұр Қыдырбектің 70 жылдығына арналған I Халықаралық ғылыми-тәжірибелік конференция өтеді. Балнұр Қыдырбек – Мемлекеттік сыйлықтың лауреаты, ҚР Композиторлар одағының мүшесі.
Конференция барысында Б. Қыдырбектің өмірі мен шығармашылығы, қазіргі заманғы композиторлық өнер және оның ғылыми тұрғыдан талдануы мәселелері қарастырылады. Іс-шараға отандық және шетелдік музыкатанушылар, фольклортанушылар, композиторлар, өнертанушылар, шығыстанушылар, жоғары оқу орындарының профессор-оқытушылары, докторанттар (PhD) мен магистранттар қатысады.
Мақсаты: тарихи уақыттың мәдени трансформациясы мен авторлық стиль призмасы арқылы композиторлық тәсілдердің алуан түрлілігін пайымдау.
• ХХ–ХХІ ғасырлардағы композиторлық мектептер мен бағыттардың шығармашылық стратегияларын талдау;
• Дәуір және композиторлық стильдің өзара байланысын анықтау;
• Қазақстандық және әлемдік музыкалық зерттеулердің жаңа бағыттарын таныстыру;
• Халықаралық және пәнаралық ғылыми диалог алаңын қалыптастыру.
Тақырыптық бағыттар:
1. Музыкатанушылар еңбектеріндегі композиторлық өнер;
2. Инновациялар мен жасанды интеллекттің рөлі;
3. Жанрлар және олардың түрленуі;
4. Ірі формалар мәселесі;
5. Пәнаралық зерттеулер;
6. Халықтық кәсіби шығармашылық пен фольклор;
7. Б.Қыдырбектің шығармашылығы қазақ өнері контексінде;
8. «Реквием»: өткен мен бүгінгі.
Өтетін орны: Астана қ., Тәуелсіздік проспектісі, 50, Конференц-зал, 7-қабат, 705 аудитория
Конференцияның басталуы: 10:00
