УНИВЕРСИТЕТ ЛОГОТИПІНЕ АРНАЛҒАН БАЙҚАУ БАСТАЛДЫ!
Қазақстан Республикасы Мәдениет және ақпарат министрлігінің Күләш Байсейітова атындағы Қазақ ұлттық өнер университеті университеттің жаңа ресми логотипін жасауға арналған конкурс жариялайды.
Университетіміздің болашақ бейнесін қалыптастыруға үлес қосқың келе ме? Онда бұл байқау – дәл сен үшін!
Жаңа логотип – бұл тек дизайн ғана емес. Бұл университеттің рухы, тарихы мен құндылықтарын бейнелейтін ерекше белгі. Өз креативті идеяңды ұсынып, шығармашылығыңды көрсетуге тамаша мүмкіндік!
Байқауға студенттер, оқытушылар, қызметкерлер, түлектер және креативке бей-жай қарамайтын барлық қатысушылар шақырылады.
Конкурс талабы:
– университеттің негізгі логотипін әзірлеу;
– логотиптің идеясы, түстері мен графикалық элементтерінің мағынасын түсіндіру.
Конкурс мерзімі: 2026 жылғы 5 ақпан – 28 ақпан
Жұмыстарды қабылдау: https://kaznui-crm.ru/contest/logo-contest
Нәтижелер университеттің ресми Instagram парақшасында жарияланады: @kaznuikz
Өз нұсқаңды жолда да, университет тарихының бір бөлігіне айнал!
Батыл бол, идеяңды ұсын — мүмкін дәл сенің логотипің ресми таңдалады!
